It-Taqsima Marittima u Avjazzjoni hija waħda mit-taqsimiet pijunieri fi ħdan il-General Workers Union. Imwaqqfa lura fl-1950 din it-Taqsima tinkludi membri u persuni li għandhom proprjetà ta’ vapuri lokali u impjegati oħra li jiddependu mill-attività tal-port bħal dawk tal-Malta Freeport Terminals u l-industrija tal-ajru jiġifieri l-impjegati tal-Linja Nazzjonali Maltija, l-AirMalta.

Barra minn hekk is-Sezzjoni tirrappreżenta wkoll ix-xufiera tas-servizz pubbliku li huma impjegati mat-Trasport Pubbliku ta’ Malta. Din kienet xi ħaġa kompletament ġdida għat-taqsima u dan seħħ wara li l-Gvern iddeċieda li jirriforma u jipprivatizza t-trasport pubbliku f’Malta.