Il-Ministru għall-Finanzi jirrikonoxxi l-ħidma tal-GWU biex ssir ġustizzja mal-eks ħaddiema tat-tarzna

Il-ħidma importanti li saret mill-General Workers’ Union (GWU) biex issir ġustizzja mal-eks ħaddiema tat-tarzna ġiet rikonoxxuta mill-Ministru għall-Finanzi u x-Xogħol Clyde Caruana.

Jumejn ilu kien tħabbar li eks ħaddiema tat-tarzna li kienu esposti għall-ħsara tal-asbestos ingħataw kumpens bl-implimentazzjoni ta’ miżura oħra mill-baġit ta’ din is-sena. Il-kumpens ivarja bejn il-€5,800 u €16,600. Fejn sfortunatament dawn l-eks ħaddiema ġew nieqsa, il-kumpens se jkunu qed jeħduh il-familji tagħhom.

F’kummenti fuq il-midja soċjali, il-Ministru Caruana qal li l-mertu jmur lill-GWU li ħadmu bi sħiħ għal din il-ġurnata.

Qal li filwaqt li fil-ġimgħat li ġejjin se jkompli l-proċess fuq dawk li diġà ssottomettew il-każ tagħhom, f’Novembru se toħroġ sejħa pubblika għal dawk li ma laħqux tefgħu s-sottomissjoni tagħhom.

Bdiet issir ġustizzja mal-eks ħaddiema tat-tarzna.

Il-mertu jmur lill-General Workers’ Union GWU li ħadmu bi sħiħ għal din il-ġurnata.

Filwaqt li fil-ġimgħat li ġejjin se jkompli l-proċess fuq dawk li diġa’ issottomettew il-każ tagħhom, f’Novembru se toħroġ sejħa pubblika għal dawk li ma laħqux tefgħu s-sottomissjoni tagħhom.